PROTESTA DHE PËRLESHJE NË LOS ANXHELOS KU MBËRRITËN AGJENTËT E PARË TË GARDËS KOMBËTARE | SEKRETARI I MBROJTJES I SHBA-ës PIT HEGSËTH (PET HEGSETH): NËSE DHUNA VAZHDON DO TË MOBILIZOHEN MARINSAT.

Los Anxhelos, Amerikë | Protesta të reja kanë shpërthyer në Los Angeles kundër kontrolleve nga autoritetet e imigracionit.

Sipas raportimeve të mediave lokale, protestuesit u përleshën me policinë jashtë një dyqani të madh mobiljesh, Home Depot.

Oficerët përdorën përsëri gaz lotsjellës për të shpërndarë protestuesit. Ndërkohë, dhjetëra njerëz u arrestuan për demonstratat e djeshme në qendër të qytetit.

“Ushtarët e parë të Gardës Kombëtare të Kalifornisë mbërritën në qendër të Los Anxhelosit pak para orës 4 të mëngjesit sipas orës vendore (13:00 sipas orës shqiptare)”, raportoi enti mediatik “ABC News”, duke treguar pamje të automjeteve të blinduara në zonën e bashkisë së metropolit.

Sekretari i Mbrojtjes i ShBA-ës, Pit Hegsëth (Pet Hegseth), shkroi në rrjetin social virtual Iks (X) se nëse dhuna vazhdon, marinsat që shërbejnë në Kampin Pendleton do të mobilizohen gjithashtu - ata janë në gatishmëri të lartë.

“Sulmet e dhunshme të turmës ndaj ICE dhe agjencive federale - tha ai - janë të dizajnuara për të parandaluar largimin e të huajve të paligjshëm kriminelë nga toka jonë; një pushtim i rrezikshëm i lehtësuar nga kartelet kriminale (të njohura edhe si organizata terroriste të huaja) dhe një rrezik i madh për sigurinë kombëtare, …” shkroi ai.

Presidenti amerikan Danlld Tramp (Donals Trump) ka urdhëruar vendosjen e 2000 oficerëve të Gardës Kombëtare.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit