PRESIDENTJA E PARLAMENTIT EUROPIAN ROBERTA METSOLA: LYPET SHPËRKALLËZIM NË RAPORTET ME SHBA-ës; LE TË ECIM PËRPARA ME MARRËVESHJEN TREGTARE.

Bruksel, Mbretëria e Belgjikës | “Siç e pamë pas përshkallëzimit të tensioneve këtë javë, mund të themi se për momentin, mendjet më të qarta kanë mbizotëruar dhe mund të deklarojmë me besim se nuk jemi dorëzuar në çështjet e Danimarkës, Groenlandës, sovranitetit dhe integritetit territorial.

Ne i mbështesim plotësisht këto vende dhe pavarësinë e tyre. Ato nuk janë në shitje”.

Kështu tha Presidentja e Parlamentit Europian, Roberta Metsola.

“Jemi të lumtur që shohim se shpërkallëzimi është në tryezë për momentin.

Kjo gjithashtu do të thotë se mund të vazhdojmë diskutimet tona të brendshme mbi marrëveshjen tregtare BE-SHBA në këtë fazë, e cila, ishte pezulluar në pritje të kërcënimit të menjëhershëm të tarifave.

Prandaj, unë do ta ndjek këtë çështje me kolegët e mi për të ecur përpara”, tha ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit