PRESIDENTJA E KOMISIONIT EVROPIAN URSULA VON DER LEIEN (LEYEN): DO TA MBAJMË BASHKIMIN EVROPIAN TË BASHKUAR PAVARËSISHT AKTEVE TË PËRSHKALLËZIMIT.

Bruksel, Mbretëria e Belgjikës | Presidentja e Komisionit Evropian, Ursula von der Leien (Leyen), ka premtuar mbështetjen e Bashkimit Evropian për Gjermaninë në përgjigjen e saj ndaj sulmit të dyshuar rus në aeroportin Leipzig/Halle.

“Ne do ta mbajmë Bashkimin Evropian të bashkuar pavarësisht këtyre akteve të përshkallëzuara dhe serioze”.

Kështu shkroi presidentja e Komisionit Evropian, Ursula von der Leien (Leyen) në rrjetet shoqërore virtuale.

Ajo shtoi se Bashkimi Evropian qëndron i bashkuar dhe e vendosur kundër agresionit rus dhe do të dekurajojë këdo që përpiqet të minojë lirinë dhe sigurinë brenda BE-së.

“Rusia po përpiqet të mbjellë mosbesim dhe frikë në shoqëritë tona. Por kjo do të dështojë.

Ne gjithashtu do të qëndrojmë pranë Ukrainës për aq kohë sa të jetë e nevojshme”, - tha ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit