PRESIDENTI VOLODIMIR ZELENSKI: RUSIA I DËRGON INTELIGJENCË IRANIT PËR SULME KUNDËR SHBA-ës.

Kiev, Ukrainë | “Ne të gjithë jemi të vetëdijshëm për rreziqet që paraqesin sulmet iraniane dhe nevojën që rrjedh nga kjo për mbrojtje ajrore në Lindjen e Mesme.

Është e rëndësishme që mbrojtja e jetës të garantohet edhe këtu në Ukrainë.

Edhe më shumë, ndërsa marrim informacione rreth ndihmës ruse për regjimin iranian.

Raportet tregojnë se rusët po i japin inteligjencë regjimit iranian për ta ndihmuar atë të planifikojë sulme kundër amerikanëve”.

Kështu shkroi Presidenti Volodimir Zelenski në platformën sociale virtuale “Telegram”.

“Ekzistojnë gjithashtu prova të pranisë ruse në dronët Shahed të përdorur në Lindjen e Mesme, si kundër vendeve arabe ashtu edhe kundër amerikanëve në rajon.

Çdo fakt i tillë tregon se kemi të bëjmë me regjime që jo vetëm që janë të lidhura me njëri-tjetrin, por mbështesin reciprokisht njëri-tjetrin; regjimi rus dhe regjimi iranian.

Dhe ata po vrasin në një mënyrë praktikisht të koordinuar, si këtu në Evropë ashtu edhe në Lindjen e Mesme.

Prandaj, edhe mbrojtja duhet të jetë e koordinuar.

Jeta në Evropë dhe jeta në Lindjen e Mesme meritojnë mbrojtje po aq efektive”, tha Presidenti Zelenski.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit