PRESIDENTI VOLODIMIR ZELENSKI DO TË TAKOJË PRINCIN E KURORËS MOHAMMED BIN SALMAN (MBS) NË ARABINË SAUDITE.

Kiev, Ukrainë | “Presidenti Volodimir Zelenski do të udhëtojë për në Arabinë Saudite për t'u takuar me Princin e Kurorës Mohammed bin Salman (MBS)”.

Kështu tha një zyrtar i lartë ukrainas për agjencinë franceze të lajmeve “Afp”.

Presidenti Zelenski kishte vizituar Arabinë Saudite në fund të muajit mars, një nga shtetet e Gjirit ku Kievi ka dërguar ekspertë për t'iu kundërvënë sulmeve me dronë të projektuara nga Irani.

Me atë rast, ai nënshkroi një marrëveshje bashkëpunimi në mbrojtje me Riadin, pa dhënë detaje.

Ukraina gjithashtu përfundoi një seri tjetër marrëveshjesh dhjetëvjeçare për bashkëpunim ushtarak me disa shtete të Gjirit, të cilat, u vunë në shënjestër nga dronët dhe raketat iraniane.

Që nga shpërthimi i luftës në Lindjen e Mesme, pas bombardimeve izraelito-amerikane të Iranit në fund të muajit shkurt, Kievi e ka pozicionuar veten si ekspert në kundërshtimin e sulmeve me dron të projektuara nga Irani.

Forcat ukrainase, të cilat, kanë luftuar pushtimin rus për më shumë se katër vjet, kapin këto lloje dronësh të lëshuar kundër Ukrainës çdo ditë, ditë e natë.

Arabia Saudite mban marrëdhënie të mira si me Kievin ashtu edhe me Moskën.

Riadi ka organizuar disa raunde negociatash midis dy vendeve për t'i dhënë fund konfliktit më të përgjakshëm të Evropës që nga Lufta e Dytë Botërore.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit