PRESIDENTI VLADIMIR PUTIN: SANKSIONET AMERIKANE JANË AKT ARMIQËSOR; DIALOGU ËSHTË GJITHMONË MË I MIRË SE ÇDO PËRPLASJE APO LUFTË.

Moskë, Federata Ruse | “Sanksionet e reja kundër Rusisë të shpallura nga Presidenti Danlld Tramp (Donald Trump) janë një akt armiqësor dhe nuk i forcojnë marrëdhëniet ruso-amerikane”.

Kështu tha presidenti rus Vladimir Putin, i cituar nga agjencia ruse e lajmeve “Tass”.

“Por - shtoi ai - i cituar nga agjencia ruse e lajmeve ‘Ria Novosti’, ato nuk do të kenë një ndikim të rëndësishëm në ekonominë ruse.

Sanksionet e shpallura nga presidenti amerikan kundër kompanive ruse të naftës janë një përpjekje për të ushtruar presion mbi Moskën, por asnjë vend që respekton veten nuk bën kurrë asgjë nën presion.

Ndoshta, Presidenti amerikan Danlld Tramp (Donald Trump) po flet për shtyrjen e këtij takimi.

Dialogu është gjithmonë më i mirë se çdo përplasje, çdo mosmarrëveshje, apo edhe më shumë një luftë”, tha Presidenti Putin, i cituar nga agjencia “Tass”, duke komentuar komentet e Presidentit Tramp (Trump), i cili, dje njoftoi se kishte anuluar përkohësisht samitin e mundshëm me Presidentin Putin që si Moska ashtu edhe Uashingtoni kishin planifikuar në Budapest.

“Kjo është arsyeja pse ne gjithmonë e kemi mbështetur vazhdimin e dialogut, edhe tani”, shtoi Presidenti Putin.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit