PRESIDENTI UKRAINAS PARALAJMËROI SE PO RA UKRAINA RUSIA DO TË SULMOJË VENDET E NATO-s.

Kiev, Ukrainë | Bombardimet ruse vazhdojnë pandërprerë.

Prej disa kohësh rajoni Kherson është në fokusin e Moskës, e cila, nuk kursen sulmet në zona të banuara apo të pabanuara, qoftë edhe nga bregu i Dnipros, i pushtuar përkohësisht.

Është goditur edhe qendra e Odesës, ku edhe Muzeu i Arteve të Bukura raportoi për dëmtime të konsiderueshme.

Guvernatori rajonal Oleh Kiper raportoi se 8 persona u plagosën në sulmin e natës.

Forcat Ajrore të Kievit ndanë një video që tregon mbrojtjen ajrore duke zmbrapsur dronët e lëshuar nga forcat ruse mbi Odessa.

“Nëse Rusia na vret të gjithëve, do të sulmojë vendet e NATO-s”, përsëriti presidenti ukrainas Zelenski (Zelensky), duke bërë thirrje për mbështetje për kauzën, sepse Kiev mbron vlerat e përbashkëta euro-atllantike, si demokracia.

Presidenti ukrainas po bën presion që Shtetet e Bashkuara të ofrojnë më shumë mbrojtje ajrore, dhe më shumë dronë, të aftë për të sulmuar, dhe për të mbledhur informacion.

Ndërkohë, sipas Prokurorit të Përgjithshëm të Ukrainës, që nga fillimi i luftës kanë vdekur 510 fëmijë, ndërsa janë plagosur 1143.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit