PRESIDENTI KOLUMBIAN GUSTAVO PETRO: TRAFIKANTËT E DROGËS DUAN TË MË VRASIN SEPSE I KAM LUFTUAR; KANË BLERË 2 RAKETA PËR TË QËLLUAR AVIONIN TIM PRESIDENCIAL.

Bogota, Kolumbi | Presidenti kolumbian Gustavo Petro ka pohuar se trafikantët e drogës po përgatisin një sulm për ta vrarë duke rrëzuar avionin presidencial me një raketë.

“Ata duan të lëshojnë një raketë në aeroplanin tim. E kanë blerë trafikantët e drogës dhe e mbajnë diku. Jo një, por dy raketa. Ne e dimë se kush janë, duhet të veprojmë”, tha kreu i shtetit gjatë inaugurimit të drejtorit të ri të policisë, gjeneralit Karlos (Carlos) Fernando Triana.

Presidenti Petro nuk specifikoi se cilët janë nxitësit, duke theksuar vetëm se sulmi i mundshëm do të ishte një përgjigje ndaj luftës së qeverisë së tij kundër mafiozëve ​​që eksportojnë drogë nëpër portet e vendit dhe nxjerrin fitime nga kontrabanda.

“Sepse ata e dinë që ne jemi pas mafiozëve të mëdhenj në Kolumbi. ELN është një prej tyre”, shtoi ai për ish-grupin gueril FARK.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit