PRESIDENTI KOLUMBIAN GUSTAVO PETRO: KOLUMBIA DO T'I BASHKOHET AFRIKËS SË JUGUT DHE MALAJZISË NË TË ASHTUQUAJTURIN “GRUPI I HAGËS” KUNDËR IZRAELIT.

Bogota, Kolumbi | Presidenti kolumbian Gustavo Petro njoftoi se vendi i tij do t'i bashkohet Afrikës së Jugut dhe Malajzisë në të ashtuquajturin “Grupi i Hagës”, i cili, synon të marrë një dënim të dhunës së përdorur nga Izraeli kundër popullatës civile palestineze në Gaza me mbështetjen e pakushtëzuar të Shteteve të Bashkuara.

“Kundër mosndëshkimit për krimet kundër njerëzimit dhe krimet e luftës të kryera në Gaza, unë nënshkroa këtë marrëveshje me Grupin e Hagës”, shkroi presidenti Petro në rrjetin social virtual Iks (X).

“Afrika e Jugut, Malajzia dhe Kolumbia kanë bashkuar forcat për drejtësi”, shtoi ai.

Fushata u nis përmes një artikulli të nënshkruar nga Patro, presidenti i Afrikës së Jugut Kiril Ramafosa (Cyril Ramaphosa), kryeministri i Malajzisë Anuar (Anwar) Ibrahim dhe koordinatorja e grupit Varsha Gandikota-Nellutla, botuar në revistën “Foreign Policy” me titullin: “Veprimet e Izraelit minojnë themelet e së drejtës ndërkombëtare”.

Në letër, grupi parashtroi arsyet e tij për të kundërshtuar veprimet e Izraelit dhe Shteteve të Bashkuara dhe paralajmëroi se këto vende do të respektojnë urdhërarrestet e Gjykatës Penale Ndërkombëtare kundër kryeministrit izraelit Benjamin Netanjahu dhe ish-ministrit të tij të Mbrojtjes Joav (Yoav) Gallant.

“Ne besojmë në protagonizëm, jo ​​në lypje”, thuhet në një fragment nga dokumenti.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit