PRESIDENTI KOLUMBIAN GUSTAVO PETRO: LEO XIV-të DUHET TË MBËSHTESË MIGRANTËT E POSHTËRUAR NË SHBA-ës.

Bogota, Kolumbi | “Papa i ri, Leo XIV-të, është më shumë se një amerikan.

Paraardhësit e tij më të afërt janë latino-amerikanë: spanjollë dhe francezë, dhe ai jetoi për dyzet vjet në Amerikën tonë Latine, në Peru.

Shpresoj që ai të jetë udhëheqësi i madh i popujve migrantë në të gjithë botën dhe shpresoj që ai do të mbështesë vëllezërit dhe motrat tona migrante latino-amerikane, të cilët, po poshtërohen sot në Shtetet e Bashkuara”, shkroi presidenti kolumbian Gustavo Petro në rrjetin social virtual Iks (X).

“Shpresoj që ai do të na ndihmojë të ndërtojmë forcën e madhe të njerëzimit që mbron jetën dhe mposht lakminë që ka shkaktuar krizën klimatike dhe zhdukjen e të gjitha qenieve të gjalla.

Çikago është qyteti i madh i klasës punëtore dhe progresiv i Shteteve të Bashkuara. Ndjej shpresë”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit