PRESIDENTI I SALVADORIT NAIB (NAYIB) BUKELE: NËSE DO TË MUNDJA DO TË DOJA TË MBETESHA PRESIDENT EDHE PËR 10 VJET TË TJERË.

Salvador | “Nëse do të varej nga unë, do të qëndroja edhe 10 vjet të tjera”.

Kjo ishte deklarata e presidentit të Salvadorit, Naib (Nayib) Bukele, tashmë në mandatin e tij të dytë radhazi dhe i njohur ndërkombëtarisht për politikën e tij të ashpër kundër “maras” famëkeqe, bandave që deri pak vite më parë e përgjaknin vendin e Amerikës Qendrore me mijëra vrasje në vit.

Ai e bëri deklaratën në një intervistë me një kanal transmetimi, në të cilën specifikoi se nuk e përjashton kandidimin për një mandat të tretë gjashtëvjeçar në zgjedhjet presidenciale të vitit 2027.

“Nëse kandidoj për zgjedhjet e ardhshme, mandati im mbaron në vitin 2033, kështu që nuk mund të largohem”, tha Presidenti Bukele.

Udhëheqësi konservator është aktualisht një nga politikanët më të respektuar në Amerikën Latine, falë arritjeve të tij në luftën kundër ‘maras’ dhe pavarësisht akuzave serioze për abuzime dhe shkelje të të drejtave të njeriut të kryera nga forcat e sigurisë nën komandën e tij ai mori mandatin e tij të dytë radhazi në vitin 2024 pavarësisht ndalimit kushtetues në atë kohë, dhe në vitin 2025 ai promovoi një reformë që do t'i lejojë atij të kandidojë për një presidencë të tretë.

“Nëntëdhjetë përqind e vendeve të zhvilluara lejojnë rizgjedhjen e pacaktuar të kryeministrit të tyre, dhe askush nuk i dredh sytë, por kur një vend i vogël dhe i varfër si Salvadori përpiqet të bëjë të njëjtën gjë, papritmas bëhet fundi i demokracisë”, tha ai pas miratimit të reformës kushtetuese.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit