PRESIDENTI I SALVADORIT NAIB (NAYIB) BUKELE: MANDATI I PAKUFIZUAR PRESIDENCIAL PËR MUA NUK ËSHTË FUNDI I DEMOKRACISË.

Salvador | Presidenti i Salvadorit, Naib (Nayib) Bukele, argumentoi se miratimi i fundit nga parlamenti i rizgjedhjes presidenciale të tij për një kohë të pacaktuar nuk përfaqëson fundin e demokracisë.

“Nëntëdhjetë përqind e vendeve të zhvilluara lejojnë rizgjedhjen e pacaktuar të kryeministrit të tyre dhe askush nuk interesohet.

Por kur një vend i vogël dhe i varfër si Salvadori përpiqet të bëjë të njëjtën gjë, papritmas është fundi i demokracisë”, shkroi udhëheqësi konservator në një postim në gjuhën angleze në platformën e mediave sociale virtuale Iks (X).

Të enjten, Asambleja Legjislative e Salvadorit, e kontrolluar nga partia në pushtet, miratoi një amendament kushtetues të propozuar që i hap rrugën Presidentit Bukele që të qëndrojë në pushtet për një kohë të pacaktuar, duke shkaktuar kritika nga ata që kanë frikë nga konsolidimi i një sistemi autokratik në vend.

Presidenti Bukele, 44 vjeç, erdhi në pushtet në vitin 2019 dhe u rizgjodh në vitin 2024, pavarësisht se kushtetuta e Salvadorit ndalon mandatet e njëpasnjëshme.

Në atë kohë, Gjykata Kushtetuese - e përbërë nga një shumicë gjyqtarësh të emëruar nga ai vetë - vendosi se pengimi i presidentit për të kandiduar për detyrë shkelte të drejtat e tij të njeriut.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit