PRESIDENTI I REPUBLIKËS SË ITALISË SERXHO MATARELA (SERGIO MATTARELLA): VENTOTENE ISHTE NJË VEND FRYMËZIMI PËR PAQEN DHE PËR DEMOKRACINË; FARAT E LIRISË DHE TË FEDERALIZMIT U MBOLLËN ATJE.

Romë, Itali | “Ventotene, dikur një vend izolimi dhe shtypjeje, dhe një shenjë e absolutizmit që rëndoi mbi Italinë nën regjimin fashist, është bërë prej kohësh një nga vendet frymëzuese për afirmimin e vlerave të paqes dhe demokracisë që dallojnë përvojën e asaj që është bërë Bashkimi Evropian.

Një vend ku u mbollën farat e lirisë dhe federalizmit, të cilat, pasuruan debatin e popujve evropianë drejt qëllimit të një bashkimi të popujve të pavarur dhe të lirë”.

Kështu deklaroi Presidenti i Republikës së Italisë, Serxho Matarela (Sergio Mattarella), në një mesazh dërguar Zv/Presidentes së Parlamentit Europian, Pina Piçierno (Picierno), me rastin e Konferencës së parë Europiane për Paqe dhe Demokraci në Ventotene.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit