PRESIDENTI I REPUBLIKËS SË ITALISË SERXHO MATARELA (SERGIO MATTARELLA) LËSHOI DEKLARATË ME RASTIN E 45-VJETORIT TË MASAKRËS SË USTIKËS.

Romë, Itali | “Masakra e 45 viteve më parë në qiellin e Ustikës ka lënë një gjurmë të dhimbshme dhe të thellë në historinë e Republikës që nuk mund të fshihet kurrë dhe ishte një nga tragjeditë më të errëta dhe më zemërthyesëse që kanë goditur vendin tonë.

Republika nuk e braktis kërkimin e së vërtetës dhe nxit bashkëpunimin e të gjithë atyre, përfshirë vendet mike, që mund të na ndihmojnë t'i përgjigjemi nevojës për drejtësi, e cila, nuk shuhet me kalimin e viteve sepse është pjesë e vetë strukturës së demokracisë.

Të gjithë ata që ishin në bordin e DC9-ës, që nisej nga Bolonja me destinacion Palermon, gjetën vdekjen.

Tetëdhjetë e një persona midis ekuipazhit dhe pasagjerëve: shumë trupa nuk mund të gjendeshin.

Kujtesa ripërtërin mbi të gjitha ndjenjat e solidaritetit dhe afërsisë me familjet e viktimave, të detyruara të përjetojnë një mundim të patregueshëm, të pashlyeshëm dhe të pashpjegueshëm”.

Kështu, në një deklaratë, Presidenti i Republikës së Italisë, Serxho Matarela (Sergio Mattarella), me rastin e 45-vjetorit të masakrës së Ustikës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit