PRESIDENTI I REPUBLIKËS SË ITALISË SERXHO MATARELA (SERGIO MATTARELLA): LUFTËRAT PO BËHEN PA RREGULLA; TË DREJTAT E NJERIUT TË SHKELURA.

Presidenti i Republikës së Italisë Serxho Matarela (Sergio Mattarella).

Romë, Itali | “Sulmet serioze që po zhvillohen në shumë pjesë të planetit po ndikojnë në mënyrë dramatike në të drejtat themelore të njeriut.

Gjithnjë e më shumë, forca po propozohet si masë e marrëdhënieve midis shteteve, në vend të ligjit.

Popullatat civile janë viktima të konflikteve të armatosura pa rregulla dhe pa masë, në shkelje të hapur të së drejtës ndërkombëtare humanitare”.

Kjo është ajo që shkroi Presidenti i Republikës së Italisë, Serxho Matarela (Sergio Mattarella), në një mesazh dërguar Presidentit të Shoqërisë Italiane të së Drejtës Ndërkombëtare dhe së Drejtës së Bashkimit Evropian.

“Paqja është një parim që është bërë një gur themeli i së drejtës ndërkombëtare dhe përfaqëson themelin e rendit ligjor global, siç është afirmuar solemnisht nga Karta e Kombeve të Bashkuara, e cila, në nenin 1, identifikon ruajtjen e paqes dhe sigurisë ndërkombëtare si objektivin kryesor të OKB-së.

Republika Italiane është e përkushtuar për të promovuar paqen, vlerat e saj dhe mirëqenien e qytetarëve të saj, siç thuhet në nenin 3 të Traktatit të BE-së, të cilit, ne i përmbahemi”, tha ai.

Presidenti i Republikës së Italisë Serxho Matarela (Sergio Mattarella).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit