PRESIDENTI I REPUBLIKËS SË ITALISË SERXHO MATARELA (SERGIO MATTARELLA) PRITI NË PALLATIN KUIRINALE PRESIDENTIN PALESTINEZ MAHMUD (MAHMOUD) ABBAS.

Romë, Itali | “Është një kënaqësi e madhe për Republikën Italiane t'ju kemi këtu në Romë, duke konfirmuar miqësinë e madhe që lidh Palestinën dhe Italinë”, tha Presidenti i Republikës, Serxho Matarela (Sergio Mattarella), duke u takuar me Presidentin Palestinez Abu Mazen në Pallatin Kuirinale.

“Autoriteti Kombëtar Palestinez është një bashkëbisedues absolutisht themelor për Italinë dhe bashkësinë ndërkombëtare”, shtoi ai.

“Ne duhet të ecim me shumë konkretitet për ndihmën humanitare dhe rindërtimin e Gazës, si dhe drejt krijimit të dy shteteve në rajon.

Këto objektiva kërkojnë çarmatimin e Hamasit dhe përfshirjen e fortë të vendeve arabe”, theksoi Presidenti Matarela, duke shtuar se ne duhet të eliminojmë të gjitha pengesat që qëndrojnë në rrugën e zgjidhjes me dy shtete, dy popuj.

“Sipas tij, ne duhet të veprojmë shpejt për të parandaluar riorganizimin e atyre që nuk duan paqe, nga të dyja palët.

Është thelbësore të mbështetet plani i paqes i Sharm el-Sheikh-ut, duke ruajtur respektin për armëpushimin nga të dyja palët. Dhuna distancon paqen dhe sigurinë për të gjithë, përfshirë Izraelin”.

Presidenti palestinez theksoi se:

1- “Ne jemi kundër luftës, urrejtjes dhe terrorizmit.

2- Ne duam të jetojmë në shtetin tonë përkrah Izraelit, të cilin e njohëm në vitin 1988 dhe 1993, me Marrëveshjet e Oslos, si shtet dhe si territor.

3- Tani edhe Izraeli duhet ta njohë shtetin dhe territorin tonë”.

“Sapo të arrijmë paqen, do të flasim me të gjitha vendet arabe në mënyrë që ato ta njohin shtetin e Izraelit - shtoi ai - pasi në thelb përsëriti se Hamasi, një lëvizje terroriste e paligjshme, duhet të lërë armët dhe të mos luajë asnjë rol në të ardhmen sepse nuk beson në paqe”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit