PRESIDENTI I PANAMASË HOZE (JOSÉ) RAÚL MULINO NËNSHKROI PRANIMIN E PANAMASË NË TREGUN E PËRBASHKËT JUGOR (MERCOSUR).

Panama | Panamaja është bërë zyrtarisht anëtare e asociuar e Tregut të Përbashkët Jugor (Mercosur), bllokut ekonomik dhe tregtar të Amerikës së Jugut, të krijuar në vitin 1991, me qëllim integrimin dhe forcimin e ekonomive të vendeve anëtare.

Presidenti i vendit të Amerikës Qendrore, Hoze (José) Raúl Mulino, nënshkroi ligjin që miraton marrëveshjen e plotësueshmërisë ekonomike, të nënshkruar në muajin dhjetor të vitit 2024 në Montevideo, Uruguai.

Me këtë masë, Panamaja bëhet vendi i parë jashtë Amerikës së Jugut që arrin anëtarësimin e asociuar në bllokun e përbërë nga Argjentina, Paraguai, Uruguai, Brazili dhe Bolivia, të cilat, së bashku, përfaqësojnë ekonominë e pestë më të madhe në botë, me një treg prej 270 milionë banorësh.

“Ne jemi anëtarë të Tregut të Përbashkët Jugor, blloku më i madh i prodhimit në Hemisferën Jugore”, shkroi Presidenti Mulino në rrjetin social virtual Iks (X).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit