PRESIDENTI I KËSHILLIT EVROPIAN ANTONIO KOSTA (COSTA): ALTERNATIVA NDAJ RENDIT NDËRKOMBËTAR ËSHTË KAOSI; BASHKIMI EVROPIAN MBËSHTET OKB-në.

Bruksel, Mbretëria e Belgjikës | “Ka shumë aktorë ndërkombëtarë që sfidojnë rendin ndërkombëtar të vendosur.

Por ajo që po përjetojmë është se, në fakt, nuk ka alternativë ndaj rendit ndërkombëtar të bazuar në rregulla.

Alternativa është kaosi, alternativa është lufta në Ukrainë. Alternativa është lufta në Lindjen e Mesme. Alternativa është situata dramatike humanitare në Gazë”.

Kështu tha Presidenti i Këshillit Evropian, Antonio Kosta (Costa) - në një konferencë të përbashkët për shtyp me Sekretarin e Përgjithshëm të Kombeve të Bashkuara, Antonio Guterres, duke vlerësuar vendosmërinë e tij në udhëheqjen e OKB-së në një moment kaq të vështirë.

“Dua ta siguroj Sekretarin e Përgjithshëm se Bashkimi Evropian do të vazhdojë të jetë një mbështetës i fortë i punës së tij dhe i punës së tij në Kombet e Bashkuara”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit