PRESIDENTI I KËSHILLIT EVROPIAN ANTONIO KOSTA (COSTA): LIRIA PËR POPULLIN E IRANIT NUK MUND TË ARRIHET ME BOMBA.

Bruksel, Mbretëria e Belgjikës | “Bashkimi Evropian qëndron me popullin iranian.

Ne mbështesim të drejtën e tyre për të jetuar në paqe dhe për të përcaktuar të ardhmen e tyre.

Por liria dhe të drejtat e njeriut nuk mund të fitohen me bomba. Vetëm e drejta ndërkombëtare i mbron ato.

Mbrojtja e civilëve, sigurimi i sigurisë bërthamore dhe respektimi i së drejtës ndërkombëtare janë thelbësore.

Ne duhet të shmangim përshkallëzimin e mëtejshëm. Një rrugë e tillë kërcënon Lindjen e Mesme, Evropën dhe më gjerë.

Pasojat janë serioze, përfshirë ato ekonomike”.

Kështu tha Presidenti i Këshillit Evropian, Antonio Kosta (Costa) - duke folur në Konferencën e Ambasadorëve të Bashkimit Evropian.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit