POLICIA E REPUBLIKËS SË KOSOVËS NUK LEJOI “MOTOÇIKLISTËT” NGA SERBIA QË TË HYNIN NË JARINJE.

Prishtinë, Kosovë | Policia e Republikës së Kosovës ka pohuar për median kosovare se “motçiklistët” që ishin nisur nga Serbia për në Mitrovicën e Veriut, nuk janë lejuar të hyjnë në territorin e Republikës së Kosovës nga pika kufitare në Jarinje, lajm që u pohua nga zëvendës-drejtori i Policisë së Republikës së Kosovës, për Mitrovicën e Veriut, z. Veton Elshani. “Po, po, ata janë ndaluar. Janë kthyer, tani edhe komunikacioni është duke u zhvilluar normalisht”, tha ai shkurtimisht, duke shtuar se nuk ka pasur asnjë lloj incidenti.

Në pikën kufiutare me Serbinë, në Jarinje, ishin nisur automjete policore kosovare të blinduara, për shkak se ekzistonin të dhëna se individë nga Serbia mund të hynin gjatë ditës së sotme.

Copyright | Agjencia Telegrafike Vox.