PO MBAHEN LUTJE PËR SHËNDETIN E PAPA FRANÇESKUT NË ARGJENTINË | KRYESISHT NË LAGJET POPULLORE NË TË ASHTUQUAJTURAT “VILLAS MISERIAS” KU PUNOJNË “CURAS VILLEROS” (PRIFTËRINJTË E TË VARFËRVE).

Buenos Aries, Argjentinë | Lutjet për shëndetin e Papës vazhdojnë në Argjentinë dhe shumica e nismave kanë të bëjnë kryesisht me lagjet më të varfra të Buenos Aires, të ashtuquajturat “villas miserias” ku punojnë “curas villeros” (priftërinjtë e të varfërve) dhe ku kujtimi i mbështetjes dhe vizitave të shpeshta të peshkopit të atëhershëm Jorge Bergolio është ende i gjallë.

Ky është rasti i famullisë së Virgjëreshës së Caacupé në Villa 21-24, një nga banesat më të populluara në jug të Buenos Aires dhe që u rrit pranë Riachuelo, një nga rrugët ujore më të ndotura në Amerikën e Jugut.

Duke festuar meshën e fundit të triduumit të lutjeve të mbledhur nga Konferenca Ipeshkvnore Argjentinase të premten është famullitari i ri, Jesús Karides (Carides), me moshë 30 vjeç, gjithashtu i lindur dhe i rritur në “villas miserias”.

“Unë hyra në seminar ditën që Papa Bergolio u bë papë”, i tha At Jesúsi agjencisë italiane të lajmeve “Ansa”, sipas të cilit, Papa aktual arriti ta afronte Kishën me njerëzit, t'i nxirrte ata nga Tempulli.

Pranë tij është kleriku Walter Espindola, me moshë 35 vjeç, i veshur me një bluzë shumëngjyrëshe që paraqet Papa Françeskun.

Walter thotë se falë famullisë, e cila organizon aktivitete të ndryshme komunitare në lagje dhe ka hapur edhe një radio, fëmijët gjejnë një strehë nga kriza dhe mbrojtje nga dhuna dhe droga.

Gjatë meshës, At Jesusi më pas ftoi besimtarët që të mblidheshin sërish të hënën për një meshë madhështore të të gjithë komunitetit të Kryedioqezës së Buenos Aires në sheshin përballë stacionit të madh “Constitución”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit