PATRIARKU EKUMENIK BARTOLOMEU DËNOI ASHPËR KOMENTET E BËRA NGA MITROPOLITI THEOLEPTUS I IKONIUMIT I CILI KRITIKOI BOTËRISHT NËNËN E NJË VIKTIME TË KATASTROFËS MË VDEKJEPRURËSE TË TRENAVE NË GREQI.

Athinë, Greqi | Patriarku Ekumenik Bartolomeu ka dënuar ashpër komentet e bëra nga Mitropoliti Theoleptus i Ikoniumit, i cili, kritikoi publikisht nënën e një viktime të katastrofës më vdekjeprurëse të trenit në Greqi.

Përplasja e 28 shkurtit 2023 në Tempe vrau 57 persona, duke shënuar katastrofën më të rëndë hekurudhore në historinë e Greqisë.

Znj. Maria Karistianu (Karystianou), djali i së cilës ishte mes viktimave, shërben si presidente e Shoqatës së Viktimave në Tempe, duke mbrojtur përgjegjësinë në hetimin në vazhdim.

Mitropoliti Theoleptus, në një postim në mediat sociale virtuale, sugjeroi se Karistianu po përdorte vdekjen e fëmijës së saj për përfitime personale.

“A duket ajo si një nënë në pikëllim? Gjithçka rreth saj duket e inskenuar”, shkroi ai, duke u tallur gjithashtu me pamjen e saj si “të sapo bërë”.

Patriarku Ekumenik Bartolomeu i denoncoi komentet si ofenduese dhe të papranueshme.

“Askush nuk ka të drejtë të ofendojë një nënë të pikëlluar”, tha ai.

“Ne qëndrojmë me viktimat dhe familjet e tyre dhe besojmë në sistemin e drejtësisë për të hetuar plotësisht shkaqet e kësaj tragjedie”, tha ai.

Ai i bëri thirrje Mitropolitit Theoleptus që të kërkonte falje publike nëse ai me të vërtetë i bëri këto komente.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit