PAPA LEO XIV-të: VLERËSOJ PASURINË E KULTURAVE DHE GJUHËVE TË RRJETIT GLOBAL TË LUTJES.

Vatikan | “Nevojat e botës që do të vijë projektohen mbi të rinjtë.

Ndoshta kjo është edhe arsyeja pse shumë prej tyre ndiejnë dëshirën për një marrëdhënie më të thellë dhe më personale me Jezusin e Ngjallur.

Në këtë kontekst, një mënyrë për të ndriçuar rrugën, duke ndërthurur kulturat, gjuhët dhe karizmat, është Rrjeti Botëror i Lutjeve i Papës, përfaqësuesit e të cilit Papa Leo XIV-të i priti në audiencë në Sallën e Papëve të Pallatit Apostolik të Vatikanit”.

Kështu raportoi enti mediatik “Vatican News”.

“Jam mirënjohës, për angazhimin tuaj për t'i përhapur ato tek dhjetëra miliona njerëz në këtë rrjet botëror që i paraqesin këto nevoja para Zotit çdo ditë. Kjo lutje nuk është e jashtme ndaj veprës ungjillëzuese të Trupit të Krishtit, por është një pjesë integrale e saj”, tha Papa Leo XIV-të.

Papa Leo XIV-të shpresonte që misioni i Rrjetit do të vazhdonte të ndihmonte çdo person të pagëzuar të kuptonte thirrjen e tij si mik dhe apostull i Krishtit, një qëllim që shtrihet në cepat e ndryshëm të botës, në kulturat, gjuhët dhe karizmat që Vepra Papnore bashkon në misionin e përbashkët.

“Është veçanërisht e rëndësishme, të ftohen të rinjtë të marrin pjesë, në mënyrë që ata të mund të stërvisin brezin e ardhshëm të ndërmjetësve për nevojat e të gjithë botës.

Meqenëse shumë prej tyre kërkojnë një marrëdhënie më të thellë dhe më personale me Jezusin e Ngjallur, Lëvizja juaj Eukaristike Rinore mund të jetë një rrugë veçanërisht e frytshme për t’i ndihmuar ata të rriten në një intimitet më të thellë me Zotin”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit