VATIKAN | PAPA LEO XIV-të: VETËM MËSHIRA E ZOTIT MUND T’I MBUSHË ZEMRAT ME SOLIDARITET TË VËRTETË.

Vatikan | “Përballë zhurmës së akuzave të ndërsjella, të cilat vetëm sa e përkeqësojnë shkatërrimin dhe vdekjen e shkaktuar nga konfliktet, ajo që nevojitet është një lutje e përulur dhe e qetë për mëshirë, duke kërkuar një zemër të ripërtërirë, të aftë t’i shtrijë dorën armikut”.

Kështu kumtoi Papa Leo XIV-të në një letër të nënshkruar nga sekretari i Shtetit kardinali Pietro Parolin, drejtuar Ipeshkvit të Lodit, Ipeshkvit Maurizio Malvestiti, me rastin e Ditës së 27-të të Kolumbanit, të mbajtur dje dhe sot, më 5 korrik, në qytetin e Lombardisë.

Papa Leo XIV-të shprehu vlerësimin e tij për këmbënguljen e treguar në mbështetjen e një iniciative që, për shumë vite, ka bashkuar komunitetet kishtare dhe qytetare në të gjithë Evropën të dedikuara ndaj Shën Kolumbanit, duke promovuar njohuritë për abatin, trashëgiminë e tij shpirtërore dhe rëndësinë e saj të vazhdueshme për kulturën evropiane.

“Kur një konflikt përshkallëzohet në luftë, me numrin e tij tragjik të vdekjeve dhe shkatërrimeve, në vend që të akuzojmë njëri-tjetrin, duhet t'i lutemi Zotit, Gjykatësit të mëshirshëm, për mëshirë.

Vetëm mëshira e Zotit mund të mbjellë dhembshuri njerëzore në zemrat tona dhe t'i mundësojë armiqve t'i shtrijnë dorën njëri-tjetrit”, u tha atje.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit