PAPA LEO XIV-të: VDEKJA ËSHTË BËRË TABU; PËR TË FLITET ME ZË TË ULËT.

Vatikan | “Vdekja duket si një lloj tabuje, një ngjarje që duhet mbajtur larg; diçka për të cilën duhet folur me zë të ulët, për të shmangur shqetësimin e ndjeshmërive dhe qetësisë sonë”.

Papa Leo XIV-të e theksoi këtë pikë në katekezën e tij të audiencës së përgjithshme, duke theksuar se shpesh, për këtë arsye, ne shmangim vizitat e varrezave, ku pushojnë ata që kanë vdekur para nesh, duke pritur ringjalljen.

Papa Leo XIV-të shtoi se lënia pas dore e të tepërtës, e cila, në vend të kësaj na lidh me gjëra të përkohshme, është sekreti i të jetuarit autentikisht, duke ditur se kalimi ynë në tokë na përgatit për përjetësinë.

Papa Leo XIV-të përmendi ato vizione aktuale antropologjike që premtojnë pavdekësi imanente dhe teorizojnë zgjatjen e jetës tokësore përmes teknologjisë.

Ky është skenari transhumanist, që del si një nga sfidat e kohës sonë. A mund të mposhtet vërtet vdekja nga shkenca? Por atëherë, pyeti Papa Leo XIV-të, a mund të na garantojë vetë shkenca se një jetë pa vdekje është gjithashtu një jetë e lumtur?

“Ngjarja e Ngjalljes së Krishtit na zbulon se vdekja nuk është kundër jetës, por është një pjesë integrale e saj si një kalim drejt jetës së përjetshme”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit