PAPA LEO XIV-të: PLANI QË TË SHKOJ NË KIEV ËSHTË GATI POR ËSHTË I VËSHTIRË PËR T'U ZBATUAR.

Vatikan | “Do të ishte mirë të shkoja në Kiev. Tashmë ka një plan gati, por është e vështirë të zbatohet”.

Katër ditë pas takimit me Presidentin Volodimir Zelenski në Kastel (Castel) Gandolfo, Papa Leo XIV-të përsëriti atë që kishte ndërmend edhe paraardhësi i tij Papa Françesku.

Ai përsëriti se vështirësitë lidheshin me shqetësimet e sigurisë, por shtoi një detaj që nuk ishte aspak dytësor; Vatikani kishte finalizuar tashmë rregullimet për t'i lejuar atij të vizitonte vendin e shkatërruar nga gati katër vjet luftë.

Papa Leo XIV-të e zbuloi këtë gjatë një audience private.

Përpara tij ishin përfaqësues të botës së optikës dhe optometrisë me rastin e Shën Luçisë, shenjtores mbrojtëse të shikimit, ku ai iu përgjigj pa hezitim një pyetjeje specifike.

Në fakt, qëllimi i tij kishte qenë i qartë në takimin e fundit nga tre takimet e tij me Presidentin Zelenski, atë të martën e kaluar në Kastel (Castel) Gandolfo pas atij në maj - i pari, gjatë Meshës së inaugurimit, dhe i dyti, personalisht më 9 korrik.

“Shpresoj, por nuk e di kur. Duhet të jemi realistë për këto gjëra”, u përgjigj ai gazetarëve në fund, duke ripërtërirë shpresën e tij se do të bëhen të gjitha përpjekjet për një paqe të drejtë dhe të qëndrueshme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit