PAPA LEO XIV-të U KËRKON UDHËHEQËSVE POLITIKË BOTËRORË TË DËGJOJNË BRITMËN E TË VARFËRVE | NUK KA PAQE PA DREJTËSI - THA PAPA LEO XIV-të.

Vatikan | Papa Leo XIV-të u kërkon udhëheqësve botërorë ta dëgjojnë britmën e të varfërve.

“Sot, veçanërisht skenarët e luftës, për fat të keq të pranishëm në rajone të ndryshme të botës, duket se po e konfirmojnë gjendjen tonë të pafuqisë.

Por globalizimi i pafuqisë lind nga një gënjeshtër - tha Leo XIV-të në predikimin e tij në Meshën për Ditën Botërore të të Varfërve - nga bindja se kjo ka qenë gjithmonë kështu dhe nuk mund të ndryshojë”.

“Ungjilli, megjithatë, na tregon se pikërisht në trazirat e historisë Zoti vjen për të na shpëtuar.

Dhe ne, bashkësia e krishterë, duhet të jemi sot, midis të varfërve, një shenjë e gjallë e këtij shpëtimi.

Varfëria i sfidon të krishterët, por sfidon edhe të gjithë ata që kanë role përgjegjësie në shoqëri.

Prandaj, i nxis Kryetarët e Shteteve dhe Udhëheqësit e Kombeve të dëgjojnë britmën e më të varfërve.

Nuk mund të ketë paqe pa drejtësi dhe të varfërit na e kujtojnë këtë në shumë mënyra, me migrimin e tyre, si dhe me britmën e tyre kaq shpesh të mbytur nga miti i mirëqenies dhe i përparimit që nuk i merr të gjithë parasysh, dhe madje harron shumë krijesa, duke i lënë në fatin e tyre”, tha Papa Leo XIV-të.

“Shpreh mirënjohjen time dhe njëkohësisht inkurajimin tim për të qenë një ndërgjegje gjithnjë e më kritike në shoqëri”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit