PAPA LEO XIV-të NËNSHKROI DOKUMENTIN E TIJ TË PARË | THIRRJA APOSTOLIKE “DILEXI TE” (TË KAM DASHUR) PËRQENDROHET TE TË VARFRIT MATERIALISHT.

Vatikan | “Këtë mëngjes, më 4 tetor 2025, në orën 8:30, në Bibliotekën Private të Pallatit Apostolik, Papa nënshkroi Thirrjen Apostolike “Dilexi te”, në prani të Imzot Edgar Peña Parra, Zëvendës për Çështjet e Përgjithshme në Sekretariatin e Shtetit.

Dokumenti, i cili është i pari i Papa Leo XIV-të, do të paraqitet më 9 tetor”.

Kështu raportoi Zyra e Shtypit e Selisë së Shenjtë.

Sipas njoftimeve, thirrja apostolike “Dilexi te” (Të kam dashur) do të përqendrohej te të varfrit.

Kjo vepër duket se është iniciuar nga Papa Françesku; në homazh të kësaj vazhdimësie, thirrja mban këtë titull, pas “Dilexi Nos” të Papa Bergolios, në fund të vitit 2024, dokumenti i tij i fundit magjisterial.

Qendrueshmëria e të varfërve është theksuar disa herë nga Papa Leo-të gjatë pontifikatit të tij gati pesëmujor.

Priten gjithashtu disa vërejtje mbi luftërat dhe emergjencën klimatike, të cilat shkaktojnë pikërisht varfëri dhe padrejtësi sociale.

Mund të ketë gjithashtu një thirrje drejtuar Kishës për t'i konsideruar të varfrit si protagonistë dhe jo vetëm subjekte që duhen ndihmuar.

Papa Leo XIV-të shpesh ka folur për kujdesin ndaj të varfërve.

Ai e bëri këtë gjatë kanonizimit të Pier Xhorxho Frasatit (Giorgio Frassati) dhe Karlo Akutisit (Carlo Acutis) më 7 shtator.

“Ata e jetuan këtë dashuri për Jezu Krishtin mbi të gjitha në Eukaristi, por edhe te të varfrit, te vëllezërit dhe motrat e tyre”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit