PAPA LEO XIV-të: ME MUZIKË NE KOMUNIKOJMË GJËRAT E MËDHA NË JETË PËR T'I BASHKUAR; QYTETËRIMET E MËDHA NA KANË DHËNË DHURATËN E MUZIKËS.

Vatikan | “Këndimi na kujton se jemi një Kishë në një udhëtim, një realitet autentik sinodal, i aftë të ndajë me të gjithë thirrjen e lavdërimit dhe të gëzimit, në një pelegrinazh dashurie dhe shprese”.

Papa Leo XIV-të e tha këtë në homelinë e tij në Meshën që shënonte Jubileun e Koreve dhe të Shoqërisë Korale.

“Qytetërimet e mëdha, na kanë dhënë dhuratën e muzikës në mënyrë që të shprehim atë që mbajmë thellë në zemrat tona dhe atë që fjalët nuk mund ta shprehin gjithmonë.

Të gjitha ndjenjat dhe emocionet që lindin brenda nesh nga një marrëdhënie e gjallë me realitetin mund të gjejnë një zë në muzikë.

Kënga, në veçanti, përfaqëson një shprehje natyrale dhe të plotë të qenies njerëzore; mendja, ndjenjat, trupi dhe shpirti bashkohen këtu për të komunikuar gjërat e mëdha në jetë.

Siç na kujton Shën Agustini, ai gjithashtu pohon, kënga u ka hije atyre që duan; ai që këndon shpreh dashurinë, por edhe dhimbjen, butësinë dhe dëshirën që banojnë në zemrën e tij, dhe në të njëjtën kohë, ai e do atë të cilës/cilit i këndon.

Prandaj, të jesh pjesë e një kori do të thotë të ecësh përpara së bashku, të marrësh vëllezërit dhe motrat tona për dore, t'i ndihmosh të ecin me ne dhe të këndosh me ta lavdërimin e Zotit, t'i ngushëllosh në vuajtjet e tyre, t'i inkurajosh kur duket se i dorëzohen lodhjes, t'u japësh entuziazëm kur lodhja duket se mbizotëron.

Në fakt, zërat e ndryshëm të një kori, harmonizohen me njëri-tjetrin, duke i dhënë jetë një lavdërimi të vetëm, një simboli të ndritshëm të Kishës, e cila, në dashuri i bashkon të gjithë në një melodi të vetme të ëmbël”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit