NË TEL AVIV U KRYE FUNERALI I ISH-PENGUT TË HAMASIT TSAHI IDAN: AI U VRA NË ROBËRI NGA HAMASI | AI U VARROS PRANË VAJZËS SË TIJ 18-VJEÇARE QË VDIQ GJATË SULMIT TERRORIST TË HAMASIT MË 7 TETOR 2023.

Jeruzalem, Izrael | Ish-pengu Tsahi Idan, i cili, u vra në robëri në Gaza dhe trupi i të cilit u kthye në Izrael këtë javë u varros në Kibucin (Kibbutz) Einat pas një kortezhi publik.

Procesioni nisi nga stadiumi Bllumfilld (Bloomfield) në Tel Aviv, një vend simbolik pasi viktima Idan ishte një tifoz i zjarrtë i “Hapoel”-it të Tel Aviv-it.

Ai kaloi nëpër disa pika në qendër të vendit, ku arkivoli u prit për lamtumirën e fundit nga popullata, para se të arrinte në kibucin Einat.

Viktima Idan u varros pranë vajzës së tij 18-vjeçare, Majanit (Maayan), e cila, u vra më 7 tetor nga terroristët e Hamasit, të cilët, hapën zjarr përmes derës së dhomës së sigurt në kibuc përpara se të merrnin rob viktimën Tsahi.

Gruaja e tij, Gali, dhe tre fëmijët e tjerë mbijetuan.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit