NË ITALI PATI MBI 197000 VDEKJE NË TOTAL NGA KOVID-19 | MATTIA MAESTRI MBËRRITI NË SPITALIN KODONJO (CODOGNO): ISHTE “PACIENTI NR 1” NË ITALI | GJITHSEJ NË 5 VITE U SHËNUAN 27191249 RASTE ME KOVID.

Romë, Itali | Mbi 197000 vdekje në total. Ky është përfundimi dramatik i pandemisë Covid-19 në Itali që nga dita kur virusi SarsCov2 hyri zyrtarisht në vendin tonë.

Ishte data 20 shkurt 2020 dhe rezultati i tamponit të kryer tek një pacient i ri, z. Mattia Maestri, mbërriti në spitalin Kodonjo (Codogno).

Ai ishte “Pacienti nr 1” në Itali.

“Pasuan muaj shumë të vështirë, por nëse sot urgjenca ka përfunduar, ekspertët e Institutit Superior të Shëndetësisë (Istituto Superiore di Sanità) na ftojnë të mos harrojmë atë që ndodhi sepse monitorimi i virusit, paralajmërojnë ata”, nuk duhet të ndërpritet.

Duke parë momentet kyçe që shënuan valën e pandemisë në Itali, një datë e parë simbolike mbetet ajo e 29 janarit të vitit 2020.

Virusi kishte mbërritur tashmë, edhe nëse askush nuk ishte ende në dijeni të tij. Një çift turistësh kinezë me pushime në Romë dhe me origjinë nga provinca e Uhanit (Wuhan), në fakt përjetojnë simptoma gripi dhe tamponi i kryer më pas në spitalin Spallanzani ku u shtruan të dy, konfirmoi se ata ishin prekur nga virusi SarsCov2.

Më 11 mars të vitit 2020, Organizata Botërore e Shëndetësisë shpalli fillimin e pandemisë. Vetëm pas 3 vitesh, më 5 maj 2023, OBSh-ja do të shpallte zyrtarisht përfundimin e urgjencës shëndetësore.

Shifrat e Ministrisë italiane të Shëndetësisë flasin për një tragjedi që askush nuk mund ta imagjinonte: gjithsej në 5 vite janë shënuar 27191249 raste; nga të cilat 513845 punonjës shëndetësorë; 45 vjeç është mosha mesatare e pacientëve.

Në fund, janë 197563 vdekje dhe 25402836 të shëruar.

Tashmë rreziku duket se ka mbaruar, por ftesa është ende që të mos ulet vigjilenca tonë.

“Virusi SarsCov2, Anna Teresa Palamara, drejtoreshë e Departamentit të Sëmundjeve Infektive të ISS - shpjegon për agjencinë italiane të lajmeve Ansa - tashmë është bërë pjesë e përzierjes së patogjenëve të frymëmarrjes që godasin veçanërisht në dimër, dhe është ndër ata që monitorohen nga rrjeti i mbikëqyrjes RespiVirNet.

Ai nuk është më një gjendje emergjente, por ende duhet të mbahet nën kontroll me mbikëqyrje të përafërt; ne në fakt jemi në gjendje të vlerësojmë raportin e tij në krahasim me patogjenët e tjerë dhe të dimë se cilat variante janë në qarkullim.

Vitet e fundit, vaksinimi kundër Kovidit ka qenë i një rëndësie thelbësore dhe mbetet një armë vendimtare edhe sot.

Vlerësimi i metodave dhe kategorive që do të vaksinohen - sqaron eksperti - bëhet vit pas viti dhe më pas i jep shkresë qarkores ministrore me indikacionet.

Për momentin mbetet i vlefshëm rekomandimi për të mbrojtur më të brishtët, përkatësisht të moshuarit apo ata me sëmundje të mëparshme.

Megjithatë, mbetet rreziku i pandemive të reja në të ardhmen - të cilat - sipas OBSh-së janë të pashmangshme.

Pas Kovidit, komenton znj. Palamara, ndërgjegjësimi për rrezikun që përfaqëson një pandemi e re e mundshme është rritur dhe po bëhen disa përpjekje për të mësuar nga mësimet e së shkuarës.

Në Itali, për shembull, rrjeti i mbikqyrjes, vëren ai, është forcuar, edhe falë një sërë projektesh të financuara nga Bashkimi Europian dhe PNRR, të cilat kanë lejuar krijimin ose forcimin e rrjeteve të kërkimit dhe mbikëqyrjes.

Për më tepër, ushtrimet pandemike tani kryhen rregullisht dhe, si vend, ne marrim pjesë në nisma të ndryshme kombëtare dhe ndërkombëtare, duke u përgatitur për të rritur përgatitjen tonë në mënyrë të jashtëzakonshme.

Shkurtimisht, përgatitja është një cikël, jo një vijë fundore, është një përpjekje ekipore midis sektorëve dhe institucioneve.

Përvoja e Covid-19 - përfundon znj. Palamara - duhet të na ndihmojë për t'i dhënë përparësi dhe për të vazhduar të forcojmë aftësitë tona”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit