NË BREGUN PERËNDIMOR HYRI NË FUQI LIGJI QË PARASHIKON DËNIMIN ME VDEKJE PËR PALESTINEZËT QË KONSIDEROHEN TË PËRFSHIRË NË AKTE TERRORI.

Agjencia Telegrafike Vox
36 minutes ago
2 min read

Bregu Perëndimor | “Ligji që parashikon dënimin me vdekje për terroristët palestinezë hyn në fuqi në Bregun Perëndimor pasi Komandanti i Komandës Qendrore të Forcave të Mbrojtjes së Izraelit, gjeneralmajor Avi Bluth, nënshkroi urdhrin ushtarak të nevojshëm për të zbatuar masën në territor”.

Kështu raportoi enti mediatik “The Times of Israel”.

Urdhri ushtarak kërkon që një gjykatë ushtarake që kryeson një gjyq për një sulm terrorist që rezultoi në vdekjen e një viktime të vendosë dënimin me vdekje si dënimin e vetëm të disponueshëm, përveç nëse gjykata gjen rrethana të jashtëzakonshme që justifikojnë një dënim me burgim të përjetshëm.

Ligji është dënuar gjerësisht si diskriminues sepse thotë shprehimisht se nuk zbatohet për qytetarët izraelitë ose banorët e Izraelit.

Për më tepër, kjo vlen vetëm për gjyqet për terrorizëm të mbajtura në gjykata ushtarake, të cilat përdoren për palestinezët, ndërsa izraelitët gjykohen në gjykata civile izraelite.

Një nga tre kushtet për vendosjen e dënimit me vdekje është që motivi të jetë mohimi i ekzistencës së Shtetit të Izraelit ose autoritetit të komandantit ushtarak në zonë, motive që ka të ngjarë të zbatohen vetëm për terroristët palestinezë.

“Ky është një ndryshim i qartë dhe i paekuivok i politikës pas masakrës së 7 tetorit: një terrorist që vret hebrenj nuk mund të mbështetet më në marrëveshjet e shkëmbimit të të burgosurve, kushtet e mira të burgut ose shpresën për lirim në të ardhmen”.

Kështu thanë Ministri i Mbrojtjes, Izrael Katz, dhe Ministri i Sigurisë Kombëtare, Itamar Ben Gvir, në një deklaratë të përbashkët.

“Kushdo që zgjedh të kryejë akte terrorizmi vrasës kundër hebrenjve duhet ta dijë se Shteti i Izraelit do t'i nxjerrë ata para drejtësisë plotësisht.

Terroristët që vrasin hebrenj nuk do të mbahen në burg në kushte të këndshme, ata nuk do të presin për marrëveshjet e shkëmbimit të të burgosurve dhe nuk do të ëndërrojnë për çlirim; ata do të paguajnë çmimin më të lartë”, tha Ministri Kac (Katz).

Ministri Ben Gvir përshëndeti nënshkrimin e urdhrit ushtarak si përmbushje të një premtimi zgjedhor të partisë së tij të ekstremit të djathtë, Otzma Yehudit, duke deklaruar se premtimet janë mbajtur, duke shtuar se Izraeli as nuk kapitullon dhe as nuk e përmban terrorizmin vrasës, por e mposht atë.

Nga z. Erton Duka.

Ne të njohim me botën | www.007vox.com | Burimi yt i informacionit