NOVI PAZAR; SERBI | 1 I VDEKUR + 3 TË PLAGOSUR ME THIKË.

Novi Pazar, Serbi | Një 17-vjeçar nga Tiroli Jugor u godit me thikë për vdekje gjatë një grindjeje në Serbi, ndërsa tre shokë të tij, gjithashtu nga Provinca e Bolzanos, u plagosën.

Sulmi, sipas entit mediatik “Rai Südtirol”, që raporton mediat serbe, ndodhi mbrëmjen e djeshme në qytetin e Novi Pazarit.

Katër të rinjtë me origjinë serbe janë nga zona e Renon, mbi Bolzano (Bolxano), dhe po kalonin pushimet në Novi Pazar.

Sipas mediave serbe, rreth orës 22:00 të mbrëmjes së kaluar, jashtë një bari në qendër të Novi Pazarit, një qytet në Serbinë jugperëndimore, shpërtheu një përleshje e dhunshme pas debateve dhe përplasjeve verbale, ku u përfshinë edhe katër të rinjtë nga Tiroli Jugor, të cilët, u plagosën nga sulmet me thikë.

Më i plagosuri rëndë nga të katërt, 17-vjeçari, vdiq në spital nga ashpërsia e plagëve të tij.

Tre të tjerët janë ende të shtruar në spital dhe, sipas informacioneve të fundit në dispozicion, plagët e tyre nuk janë kërcënuese për jetën.

Sipas mediave serbe, policia ka arrestuar dy të rinj, ndërsa dy të tjerë janë në kërkim policor.

Motivi i përleshjes, e cila, përfundoi tragjikisht për njërin prej të rinjve, nuk është sqaruar.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit