NJË PARADË E FORCAVE TË ARMATOSURA PËR TË SHËNUAR FILLIMIN E JAVËS SË MBROJTJES SË SHENJTË U MBAJ NË IRAN | PRESIDENTI MASOUD PEZESHKIAN DHE KRERËT USHTARAKË MORËN PJESË NË CEREMONI.

Teheran, Iran | Forcat e Armatosura të Iranit kanë organizuar një seri paradash ushtarake në të gjithë vendin për të festuar fillimin e Javës së Mbrojtjes së Shenjtë, në përkujtim të dëshmorëve të luftës kundër Irakut midis viteve 1980 dhe 1988.

Sipas raportimeve të agjencisë së shtypit “Irna”, në kryeqytetin Teheran, mori pjesë në ceremoninë e organizuar në mauzoleumin e themeluesit të Republikës Islamike (Ayatollah Rouhollah Khomeini), presidenti iranian Masud (Masoud) Pezeshkian dhe krerë ushtarakë.

“Ne mund t'i shpallim me autoritet të gjithë botës se përveç mbrojtjes së vendit tonë, ne jemi gjithashtu të aftë të ruajmë rajonin tonë në paqe dhe siguri, si dhe ta vendosim regjimin e etur sionist (Izraelin) në vendin e tij, me unitet dhe kohezion gjakatar, uzurpator dhe gjenocid, që nuk tregon mëshirë as ndaj grave, fëmijëve dhe pleqve”, deklaroi presidenti Pezeshkian duke folur gjatë ceremonisë.

Siç raporton agjencia e lajmeve “Mehr”, gjatë paradës në Teheran, njësi të forcave iraniane parakaluan para tribunës së presidentit Pezeshkian dhe u ekspozuan gjithashtu një sërë armësh dhe pajisje ushtarake.

Në veçanti u prezantua raketa e quajtur Xhihad, e cila është pjesë e gjeneratës së re të raketave me rreze të gjatë veprimi të Korpusit të Gardës Revolucionare Islamike dhe një version i përditësuar i dronit vetëvrasës, Shahed 136-B, me përmasa më të mëdha dhe me kapacitet më të lartë shpërthyes.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit