NJË GRIMCË E RE NËNATOMIKE (SUBATOMIKE) QË LIDHET ME PROTONIN U ZBULUA NË PËRPLASËSIN E MADH TË HADRONEVE (CERN).

Gjenevë, Konfederata e Zvicrës | Një grimcë e re subatomike, një e afërme e rëndë e protonit, është zbuluar në CERN në Gjenevë.

Prania e saj u tradhtua nga zbërthimi i saj në tre grimca më të lehta, të regjistruara falë eksperimentit LHCb, një nga eksperimentet kryesore që operojnë në Përplasësin e Madh të Hadroneve dhe aktualisht i koordinuar nga Italia me Institutin Kombëtar për Fizikën Bërthamore.

Kjo është grimca e parë e zbuluar duke përdorur versionin e përditësuar të LHCb-së, i cili, ka rritur ndjeshmërinë dhe shpejtësinë e mbledhjes së të dhënave.

“Përditësimi na lejon të mbledhim 15 herë më shumë të dhëna çdo ditë se më parë”, tha z. Xhovani Punci (Giovanni Punzi), studiues në INFN dhe profesor në Universitetin e Pizës, i cili, është koordinatori kombëtar për LHCb-në.

“Tani i shohim këto grimca shumë më qartë dhe kjo po gjeneron shumë entuziazëm.

Ne tashmë po kërkojmë anëtarë të tjerë të familjes së kësaj grimce të re. Presim zhvillime edhe më interesante në këtë fushë”, tha ai.

Grimca si ajo e sapo zbuluara përbëhen nga përbërësit themelorë të materies të quajtura kuarke, nga të cilat, ekzistojnë gjashtë lloje të ndryshme.

Ndërsa protoni përbëhet nga dy të ashtuquajtur kuarke lart dhe një kuark poshtë, grimca e re zëvendëson dy kuarket lart me dy kuarke tërheqëse.

“Struktura është e ngjashme me atë të protonit, por është shumë më e rëndë dhe më ekzotike, sepse kuarket tërheqëse nuk gjenden në materien e zakonshme dhe janë të vështira për t'u prodhuar edhe me përshpejtues të fuqishëm si LHC”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit