NJË AEROPLAN I VOGËL 8 VENDËSH U RRËZUA FILL PASI U NGRIT NË FLUTURIM NË SAUTHEND (SOUTHEND) TË LONDRËS | FLUTURIMET U ANULUAN.

Londër, Mbretëria e Bashkuar | Një aeroplan Beechcraft King Air B200 me dy motorë u rrëzua menjëherë pas ngritjes në Aeroportin Sauthend (Southend) të Londrës.

Aeroplani me tetë vende, i cili, ishte nisur për në Lelystad, Holandë, kishte tetë pasagjerë në bord.

Aeroporti do të mbetet i mbyllur deri nesër. Të gjitha fluturimet e planifikuara janë anuluar ose devijuar në aeroporte të tjera.

Një dëshmitar raportoi se e pa aeroplanin duke u ngritur dhe rreth tre ose katër sekonda më vonë, ai filloi të anohej ndjeshëm majtas, dhe pastaj, brenda pak sekondash, në thelb u përmbys dhe u rrëzua me kokë në tokë.

Informacioni i gjurmimit të fluturimit online sugjeroi se ai kishte arritur një lartësi maksimale prej 54 metrash mbi pistën e pestë të Aeroportit Sauthend (Southend), me pamje nga verilindja, përpara se të rrëzohej.

I njëjti avion kishte bërë dy fluturime të tjera atë mëngjes, nga Athina në Aeroportin e Pulës, dhe pastaj nga aeroporti kroat në Sauthend (Southend).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit