NEPAL | NUMRI I TË VDEKURVE NGA PËRMBYTJET SHKOI NË 22.

Katmandu, Nepal | “Numri i të vdekurve nga përmbytjet që goditën distriktin Rasua dhe zonat përreth në Nepalin qendror është rritur në 22, ndërsa dhjetëra njerëz janë ende të zhdukur”.

Kështu raportoi enti mediatik “Kathmandu Post”, duke cituar autoritetet vendore.

Midis të zhdukurve janë 32 anëtarë të policisë nepaleze dhe Forcës së Policisë së Armatosur në qytetin Timure, pranë kufirit me Kinën.

Edhe 60 punëtorë të tjerë që lidhen me projektin hidroelektrik Langtang Khola janë të zhdukur.

Pesëmbëdhjetë punonjës të zyrës doganore Rasua në Timure janë gjithashtu të zhdukur.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit