MINISTRI I MBROJTJES I MBRETËRISË SË DANIMARKËS TROELS LUND POULSEN: LE TË NXJERRIM MËSIME NGA UKRAINA; SYNOJMË TË MIRATOJMË LIGJE TË REJA MË SPECIFIKE PËR TË RREGULLUAR PËRDORIMIN E DRONËVE.

Kopenhagen, Mbretëria e Danimarkës | “Mund të shohim se sabotimi, sulmet kibernetike dhe format e tjera të sulmeve hibride janë një pjesë gjithnjë e më e pranishme e realitetit tonë evropian”, tha Ministri danez i Drejtësisë, Peter Hummelgaard.

Duke folur me gazetarët këtë mëngjes pas shikimit të dronëve pranë pesë aeroporteve daneze mbrëmë, ministri theksoi se qeveria daneze po bën gjithçka që është e mundur për t'iu kundërvënë këtyre incidenteve, duke bashkëpunuar ngushtë me partnerët ndërkombëtarë.

Danimarka gjithashtu synon të miratojë ligje të reja, më specifike, për të rregulluar përdorimin e dronëve.

“Koha kur kushdo mund të operonte lirisht një dron në Danimarkë pa u regjistruar ka mbaruar”, theksoi ai.

“Departamenti danez i Mbrojtjes vendosi të mos i rrëzojë dronët mbrëmë, pjesërisht për shkak të mungesës së pajisjeve të specializuara të afta për të goditur objektiva kaq të vegjël.

Prandaj, lind nevoja për të investuar në teknologji të reja për identifikimin dhe potencialisht neutralizimin e dronëve.

Teknologjia është në zhvillim të vazhdueshëm”, vërejti Ministri danez i Mbrojtjes, Troels Lund Poulsen.

“Mësimet që kemi nxjerrë nga Ukraina janë se ajo që gjejmë sot mund të jetë e ndryshme nga ajo që gjejmë pas tre javësh.

Prandaj, ne duhet të përshtatemi vazhdimisht me zhvillimet në bashkëpunim me miqtë tanë në Ukrainë, të cilët, kanë shumë përvojë në mbrojtjen nga dronët.

Autoritetet daneze tani do të punojnë brenda kornizës së NATO-s dhe Bashkimit Evropian për të forcuar aftësitë e Evropës për mbrojtjen nga dronët”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit