MINISTRI I JASHTËM RUS SERGEI LAVROV SULMOI VERBALISHT KANCELARIN GJERMAN FRIDRISH MERC (FRIEDRICH MERZ) DUKE E AKUZUAR SE AI MENDON SI HITLERI.

Moskë, Federata Ruse | “Kancelari gjerman Fridrish Merc (Friedrich Merz) ende ka mentalitetin e Gjermanisë së Hitlerit, e cila mendonte se kishte nevojë për territor për të pasur qasje në burimet natyrore”.

Kështu tha Ministri i Jashtëm rus Sergei Lavrov, siç citohet nga agjencia ruse e lajmeve “Tass”.

Ministri Lavrov komentoi fjalët e kancelarit Merc (Merz), sipas të cilit, Gjermania do të ketë përsëri ushtrinë më të madhe konvencionale në Evropë dhe akuzon Rusinë se nuk dëshiron të ndalet te Ukraina, por se dëshiron të pushtojë të gjithë Evropën.

“Kancelari mendon për Rusinë me standardet e saj, bazuar në gjykime gjenetike, instiktive”, tha ministri i Jashtëm rus Lavrov.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit