MINISTRI I JASHTËM I AFRIKËS SË JUGUT RONALD LAMOLA: AFRIKANËT E BARDHË NUK JANË VIKTIMA TË PERSEKUTIMIT RACOR.

Kejp Taun, Afrikë e Jugut | “Afrikanët e bardhë nga Afrika e Jugut që kanë pranuar zhvendosjen në Shtetet e Bashkuara nuk janë përballur me asnjë formë persekutimi”, tha ministri i Jashtëm i vendit, Ronald Lamola, në një konferencë për shtyp sot.

Një grup fillestar prej 49 afrikano-jugorësh të bardhë u larguan nga Johanesburgu mbrëmë pas ofertës së presidentit të ShBA-ës Danlld Tramp (Donald Trump) për t'u dhënë atyre statusin e refugjatit.

Presidenti Tramp (Trump) ka thënë vazhdimisht se afrikano-amerikanët e bardhë, pasardhës të kolonëve holandezë që ikën nga persekutimi fetar në Evropë në vitet 1600, tani vuajnë nga diskriminimi racor dhe janë viktima të një gjenocidi të bardhë në Afrikën e Jugut, duke përshkallëzuar tensionet midis dy vendeve.

Ministri Lamola argumentoi dje se 49 subjektet nuk kualifikoheshin për t'u klasifikuar si refugjatë.

Ministri tha se krimi në Afrikën e Jugut prek të gjithë, pavarësisht nga raca apo gjinia.

“Afrikanerët që zgjodhën të largohen nuk mund të paraqesin asnjë provë për përndjekje sepse nuk ka asnjë formë përndjekjeje kundër afrikanojugorëve të bardhë ose afrikanëve në vendin tonë”, tha ministri.

Edhe pse statistikat zyrtare tregojnë se shumica e viktimave të vrasjeve në vend janë burra të rinj me ngjyrë që jetojnë në zona urbane, afrikano-amerikanët që kanë vendosur të shpërngulen në ShBA-ës thonë se fermerët e bardhë janë viktimat kryesore.

Të bardhët në Afrikën e Jugut përbëjnë vetëm 7.3% të popullsisë dhe në përgjithësi gëzojnë një standard jetese më të lartë se shumica me ngjyrë e vendit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit