MINISTRI I DIASPORËS I IZRAELIT AMIKAI ÇIKLI (AMICHAI CHIKLI): PRESIDENTI I PËRKOHËSHËM I SIRISË AHMED AL-SHARAA ËSHTË TERRORIST QË DUHET TË ELIMINOHET SA MË SHPEJT TË JETË E MUNDUR.

Jeruzalem, Izrael | “Ahmed al-Sharaa, presidenti sirian, është një terrorist, një vrasës barbar që duhet të eliminohet pa vonesë”, tha Ministri Izraelit i Diasporës Amikai Çikli (Amichai Chikli), në një mesazh në profilin e tij rrjetin social virtual Iks (X).

“Ne ishim dëshmitarë të masakrës së tmerrshme të alavitëve dhe tani po dëshmojmë masakrën dhe poshtërimin e druzëve.

Nuk mund të qëndrojmë pasivë përballë regjimit terrorist islamisto-nazist të Al Kaedës, i cili duhet të luftohet”, shkroi ministri në mesazhin e publikuar.

Që kur z. Al-Sharaa mori pushtetin në Siri në fund të vitit të kaluar, autoritetet izraelite, përfshirë kryeministrin Benjamin Netanjahu dhe ministrin e jashtëm Gideon Sa'ar, fillimisht mbajtën një qëndrim të ashpër kundër qeverisë së re, duke përmendur lidhjet e kaluara të presidentit me al-Kaedën.

Megjithatë, vendimi i Shteteve të Bashkuara për të hequr Sirinë nga lista e sanksioneve e kishte zbutur retorikën e qeverisë izraelite kundër administratës së re në Damask.

Përleshjet në ditët e fundit midis forcave qeveritare siriane dhe milicive druze në provincën Suaida e kanë shtyrë Izraelin të ri-miratojë një qëndrim agresiv.

Sot, shteti hebre intensifikoi sulmet në Suaida, duke pohuar dëshirën e tij për të mbrojtur druzët dhe për të parandaluar krijimin e mundshëm të grupeve të armatosura në kufirin verior të Izraelit, përfshirë ato që i përkasin qeverisë së re të krijuar në Damask pas rënies së regjimit të Bashar al-Assad të Sirisë dhjetorin e kaluar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit