MBRETËRIA E SUEDISË | NJË DRON RUS U AFRUA PRANË AEROPLANMBAJTËSES FRANCEZE “CHARLES DE GAULLE” NË MALMO POR U ZMBRAPS.

Stokholm, Mbretëria e Suedisë | Një dron rus iu afrua aeroplanmbajtëses franceze “Charles de Gaulle”, e cila, aktualisht ndodhet në Suedi.

Sistemi mbrojtës suedez ndërmori kundërmasa dhe droni u zmbraps.

Kështu raportoi enti mediatik shtetëror suedez “SVT”.

Anija “Charles de Gaulle” ndodhet aktualisht në portin e Malmö-s, duke kryer, ndër të tjera, një stërvitje.

Sipas entit mediatik “SVT”, një dron u ngrit nga një anije ruse aty pranë dhe iu afrua aeroplanmbajtëses.

Droni u zbulua nga forcat e armatosura suedeze, të cilat, ndërmorën kundërmasa; droni më pas u zhduk nga zona.

Nuk është ende e qartë nëse u kthye te anija ruse apo u rrëzua në det.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit