MBRETËRIA E NORVEGJISË | TRE VËLLEZËR NORVEGJEZË (ME ORIGJINË NGA IRAKU) U ARRESTUAN NË LIDHJE ME SHPËRTHIMIN TERRORIST NË AMBASADËN AMERIKANE NË OSLO.

Agjencia Telegrafike Vox
2 hours ago
1 min read

Oslo, Mbretëria e Norvegjisë | Tre vëllezër në të njëzetat janë arrestuar në Oslo për shpërthimin e natës në Ambasadën Amerikane fundjavën e kaluar.

Shpërthimi shkaktoi vetëm dëme të vogla dhe askush nuk u lëndua, por menjëherë shkaktoi masa të shtuara sigurie në të gjithë Evropën në objektiva të ndjeshëm mes luftës së vazhdueshme midis forcave amerikane dhe izraelite dhe Iranit.

“Këta janë shtetas norvegjezë me origjinë nga Iraku”, tha zyrtari hetues Kristian (Christian) Hatlo - i cituar nga enti mediatik publik norvegjez “NRK”.

“Policia arrestoi vëllezërit, të cilët sot janë banorë të Oslos. Të gjithë akuzohen për shkelje të nenit 138 të Kodit Penal. Ky është një sulm terrorist”, tha z. Hatlo.

Policia norvegjeze është në kontakt me FBI-në.

“Ne ende po punojmë mbi disa hipoteza. Njëra prej tyre është se mund të jetë një operacion i porositur nga një agjenci shtetërore”, tha z. Hatlo.

Të tre janë në paraburgim dhe do të merren në pyetje nga hetuesit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

Ne të njohim me botën | www.007vox.com | Burimi yt i informacionit