MBRETËRIA E BELGJIKËS | KOMISIONI EVROPIAN: DËNOJMË AKTET E DHUNËS NDAJ INSTITUCIONEVE SHTETËRORE DHE PRONAVE PRIVATE E PUBLIKE NË SHQIPËRI.
Bruksel, Mbretëria e Belgjikës | “Ne dënojmë përdorimin e dhunës në Tiranë dhe qytete të tjera në Shqipëri, duke përfshirë zjarrvënien me dashje, sulmet ndaj institucioneve shtetërore dhe shkatërrimin e pronës publike dhe private.
Dhuna nuk ka vend në një shoqëri demokratike dhe përgjigja ndaj saj duhet të mbetet brenda ligjit dhe proporcionale.
Ata që janë përgjegjës duhet të mbahen përgjegjës nëpërmjet një procesi të rregullt ligjor.
Liria e tubimit dhe e shprehjes janë të drejta themelore dhe vlera thelbësore evropiane, që duhen respektuar dhe ushtruar në mënyrë paqësore.
Ne mirëpresim angazhimin e autoriteteve shqiptare se e drejta për të protestuar do të mbrohet.
Në një vend kandidat të përkushtuar fort ndaj procesit të anëtarësimit në Bashkimin Evropian dhe që po bën përparim të rëndësishëm në rrugën e tij drejt BE-së, ankesat duhet të trajtohen përmes dialogut konstruktiv dhe në mënyrë paqësore”.
Kështu u tha në një njoftim të Komisionit Evropian (versionin origjinal mund ta lexoni duke trokitur këtu). 👇👇👇
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments