MBRETËRIA E BASHKUAR | PRINCI UILLIAM (WILLIAM): BOTA PO MBETET PRAPA PËR ÇËSHTJEN E KLIMËS.

Londër, Mbretëria e Bashkuar | “Nuk po lëvizim mjaftueshëm shpejt për t’iu përgjigjur ndryshimeve klimatike që kërcënojnë planetin”.

Kështu tha princi Uilliam (William) - trashëgimtar i fronit britanik, i cili është aktiv në çështjet mjedisore pas punës pioniere të babait të tij, mbretit Karl (Charles) III-të - për entin mediatik vendor “Bbc”.

“Ekziston nevoja që bizneset, investitorët dhe udhëheqësit të shtojnë përpjekjet e tyre për të ndihmuar në zhvillimin e zgjidhjeve më efektive”, - tha princi i Uellsit, i intervistuar në kuadër të prezantimit të nominimeve për Çmimin “Earthshot”, një çmim vjetor që ai bashkëthemeloi në vitin 2020 për të mbështetur promovuesit e projekteve ndërkombëtare të përqendruara në qëndrueshmëri dhe ruajtjen globale.

Midis 15 finalistëve të përzgjedhur për këtë edicion janë qyteti i Barcelonës, i njohur për përpjekjet e tij të planifikimit urban për të mbrojtur shtrirjen e bregdetit të Mesdheut, dhe mbretëria e vogël aziatike e Butanit, e njohur për mbrojtjen e pyjeve të saj në rajonin e Himalajeve dhe për efektet pozitive që kjo po ka në ruajtjen e cilësisë së ujit dhe burimeve në dispozicion të vendeve fqinje.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit