MAURITANI | 69 TË VDEKUR NGA MBYTJA E NJË ANIJEJE QË TRANSPORTONTE 160 VETA.

Nuakçot (Nouakchott), Mauritani | “Të paktën 69 trupa janë gjetur dhe dhjetëra njerëz mbeten të zhdukur, më shumë se 48 orë pasi një anije që transportonte emigrantë u fundos në brigjet e Mauritanisë”, sipas një raporti të ri të rojes bregdetare të Mauritanisë të lëshuar për agjencinë e lajmeve “Afp”.

“Një raport i mëparshëm tha se 49 veta kishin vdekur dhe rreth 100 të tjerë rezultojnë të zhdukur në mbytjen e anijes, e cila, ndodhi rreth 80 km në veri të kryeqytetit Nuakçot.

Numri i trupave të gjetur ka arritur në 69”, tha roja bregdetare e Mauritanisë, e cila, më parë kishte raportuar se anija mbante 160 persona dhe se 17 të mbijetuar ishin shpëtuar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit