LIBI: KHALIFA HAFTAR EMËRON DJALIN E TIJ SADDAM HAFTAR SI ZËVENDËSKOMANDANT TË FORCAVE TË ARMATOSURA.

Tripoli, Libi | Komandanti i përgjithshëm i Ushtrisë Kombëtare Libiane në lindje të Libisë, Marshalli i Fushës (Feldmarshal) Khalifa Haftar, ka emëruar djalin e tij, Gjeneral-Lejtnantin Saddam Haftar, si zëvendëskomandant të forcave të armatosura.

Vendimi, i paraqitur si pjesë e “Vizionit 2030” për zhvillimin dhe rritjen e efektivitetit të ushtrisë, do të pasohet nga emërime të tjera në ditët në vijim, sipas një njoftimi për shtyp nga Komanda e Përgjithshme e LNA-së.

Z. Sadam Haftar, me moshë 34 vjeç, është komandant i përgjithshëm i Forcave Tokësore të LNA-së dhe vitet e fundit ka marrë një rol qendror në menaxhimin e operacioneve ushtarake dhe sigurisë në zonat e kontrolluara nga ushtria, veçanërisht në Cyrenaica, rajonin e Gjysmëhënës së Naftës dhe Fezzan.

Një figurë me ndikim, ai konsiderohet si një nga trashëgimtarët më të mundshëm politikë dhe ushtarakë të “Marshallit të Fushës” 81-vjeçar Khalifa Haftar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit