LAMBORXHINI + REHATI + BIZNES | TË PASURIT KINEZË PO MIGROJNË NË DUBAI DUKE MËNJANUAR SINGAPORIN.

Agjencia Telegrafike Vox
2 hours ago
3 min read

Londër, Mbretëria e Bashkuar | Njëherë e një kohë në Singapor.

Milionerët dhe miliarderët kinezë kanë zgjedhur një destinacion të ri për të shijuar pasurinë e tyre të jashtëzakonshme, dhe nëse është e mundur ta rrisin atë, larg masave të paparashikueshme të Presitentit Shi Xhinping (Xi Jinping): Gjirin, ose më saktë, Dubain.

Të ndihmuar nga një ekonomi e ndenjur në vend dhe armiqësia në rritje ndaj sanksioneve amerikane, një numër gjithnjë e në rritje i njerëzve të pasur e kanë identifikuar këtë qytet shkretëtirë si një juridiksion tërheqës, me diell, politikisht të qëndrueshëm, të sigurt dhe me taksa të ulëta.

Numrat janë tregues. Në Emiratet e Bashkuara Arabe, ka 370 mijë qytetarë kinezë (nga një popullsi totale prej 11.5 milionësh) dhe mbi 15 mijë kompani me lidhje me Pekinin (dyfishi i numrit nga viti 2019).

Vetëm në vitin 2025, Emiratet u mbingarkuan nga një fluks neto prej gati 10 mijë milionerësh, ndërsa Singapori pa numrin e tij të përgjysmohej në afërsisht 1600.

Në Dubai - shpjegon enti mediatik “The Economist” - ka mbi 1250 mjete private investimi (kishte 800 në vitin 2024) dhe, megjithëse autoritetet e Emirateve ruajnë konfidencialitetin mbi kombësitë e zyrave familjare - struktura të dedikuara për menaxhimin e aseteve të familjeve të pasura - këshilltarët e pasurisë flasin për një pjesë të madhe të kapitalit të prodhuar në Kinë.

Kinezët e pasur preferojnë Dubain | Komuniteti i pasur kinez mund të jetojë në Dubai ashtu siç do të jetonte në atdheun e tyre, por me taksa preferenciale dhe pa trazirat politike dhe ekonomike që mund t’i detyronin të rreshtoheshin në hijen e Qytetit të Ndaluar.

Prindërit kanë mundësinë t’i regjistrojnë fëmijët e tyre në Shkollën Kineze të Dubait, një institucion shtetëror që mëson kurrikulën kineze me çmime të përballueshme.

Nuk ka mungesë dyqanesh dhe restorantesh kineze të nivelit të lartë, madje edhe një spital kinez, si dhe të gjitha markat e tjera luksoze globale për shopaholikët.

Kini kujdes, sepse, duke përjashtuar familjet individuale, edhe bizneset kineze po rriten.

Qendra e Mallrave të Shumëfishta të Dubait, një nga zonat e lira të qytetit, ka mbi 1000 kompani, 4% të totalit dhe është në rritje të vazhdueshme.

Lista përfshin banka të mëdha shtetërore, por edhe kompani nafte dhe startup-e inovative teknologjike, të tilla si WeRide, kompania e makinave pa shofer.

Le të jemi të qartë; Hong Kongu dhe Singapori mbeten qendrat kryesore për paratë kineze, falë aftësive të tyre gjuhësore dhe aksesit në tregjet e sofistikuara të kapitalit, por Dubai po e ngushton hendekun vit pas viti.

Rëndësia e Dubait | Atraktiviteti i Dubait po rritet për tre arsye:

1- Neutraliteti i tij politik.

2- Hapja ekonomike.

3- Mundësitë që u ofron të ardhurve të rinj për të fituar para.

Në përgjithësi, futja e parave në Gjirin Persik është më e lehtë sesa në shumë vende të tjera.

Autoritetet e Singaporit, për shembull, kanë filluar të monitorojnë librat e investitorëve të huaj pas një sërë skandalesh që përfshijnë zyrat familjare.

Dhe pastaj ka edhe lehtësira të tjera të përditshme për t'u marrë në konsideratë.

Në Dubai, kinezët e pasur mund të ngasin Lamborxhini-t e tyre pa frikën se do të tërheqin vëmendjen, ose të blejnë pasuri të paluajtshme me sigurinë e fitimeve të konsiderueshme.

Rastësisht, çmimet e pronave banesore parashikohet të rriten me afërsisht 12% në vitin 2025.

Një ofertë që nuk duhet humbur.

Nga z. Erton Duka.

Ne të njohim me botën | www.007vox.com | Burimi yt i informacionit