KËSHILLI EVROPIAN EMËROI DIPLOMATIN GJERMAN DIRK SHYBËL (SCHÜBEL) SI PËRFAQËSUES TË RI SPECIAL TË BASHKIMIT EVROPIAN PËR KOSOVËN.

Bruksel, Mbretëria e Belgjikës | Këshilli Evropian emëroi diplomatin gjerman Dirk Shybël (Schübel) si përfaqësues të ri special të Bashkimit Evropian për Kosovën.

Ai do të marrë detyrën më 1 shtator të vitit 2026, me një mandat fillestar dyvjeçar.

Ai është diplomat me përvojë të gjatë në pozita të larta në Shërbimin Evropian për Veprim të Jashtëm, Komisionin Evropian dhe Ministrinë e Punëve të Jashtme të Gjermanisë.

Aktualisht, ai drejton Divizionin për Rusinë në EEAS.

Nga viti 2022 deri në vitin 2024, ai ka shërbyer si i Dërguar i Posaçëm i Bashkimit Evropian për Partneritetin Lindor.

Më herët, ai ka qenë shef i Delegacionit të Bashkimit Evropian në Bjellorusi, nga viti 2019 deri më 2022, si dhe në Moldavi, nga viti 2009 deri më 2013.

Mandati i tij në Kosovë do të fokusohet në mbështetjen e një vendi të qëndrueshëm, demokratik dhe shumetnik, si dhe në avancimin e perspektivës evropiane përmes bashkëpunimit me institucionet dhe komunikimit me publikun.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit