KUBË | U SHËNUA NATA E PESTË E PROTESTAVE KUNDËR MUNGESËS SË ENERGJISË ELEKTRIKE.

Havanë, Kubë | U shënua nata e pestë radhazi e protestave popullore në Havanë kundër ndërprerjeve të zgjatura të energjisë elektrike, mungesës së ujit dhe krizës ekonomike në rritje që po prek Kubën.

Në disa lagje të kryeqytetit, qindra banorë dolën në rrugë, duke përplasur enë dhe kazanë mbeturinash përgjatë rrugëve, ndërsa autoritetet rritën vendosjen e policisë dhe ndërprenë shërbimin e internetit në disa zona të qytetit.

“Demonstratat përfshinë komuna të tilla si La Lisa, Guanabakoa, Boieros dhe Santo Suarez”.

Kështu raportoi enti mediatik vendor “Martí Noticias”.

Aktivistët vendas raportuan praninë e oficerëve me rroba civile të ngarkuar me identifikimin e protestuesve.

“Njerëzit janë të dëshpëruar; ushqimi i pakët që kanë po prishet pa energji elektrike, dhe nuk ka as ujë të pijshëm”, thanë disa banorë.

Në orët e fundit, zjarre që synojnë bizneset private dhe tensione janë raportuar pranë selisë së Partisë Komuniste Kubane, megjithëse autoritetet kanë mohuar disa incidente të raportuara në mediat sociale.

Kriza energjetike e ishullit është përkeqësuar pas javësh të tëra mungesash karburanti dhe ndërprerjesh të vazhdueshme të energjisë, duke nxitur pakënaqësi në rritje me qeverinë e Presidentit Miguel Diaz-Kanel (Canel).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit